కొత్త పెళ్ళి కొడుకు

పదహారు ప్రాయాన పరువాలు పరవళ్ళు తొక్కువేళ
పరికిణీ లో తడిక మాటున పొంచి నను కాంచి
పైట చెంగు పంటి కింద నలుపుతూ చూసిన తన
కను రెప్పలు నను తిప్పలు పెట్టిన వేళ
ఎరుపెక్కిన ఆ చెక్కిళ్ళు సైతం గులాబీ కే గుబులు పుట్టించిన వేళ
సొట్టపడ్డ ఆ బుగ్గలతో తనకే సొంతమైన ఆ కన్నులతో
కాటుక దిద్దిన కళ్ళతో మాటకు ముందే చిందే నవ్వుతో
సాంతం శాంతమైన స్వరంతో నిండు ఎద భారంతో
వంటిపొర అందాలతో వంటినంటిన వయ్యారంతో
తడి ఆరని పెదాలతో పొడి బారిన పదాలతో
ముత్యాల పలువరుసతో ముక్కున మెరిసిన రత్న పుడకతో
పలికిన ఆ తొలిపలుకులు... నా ఎదలో రేపింది ఓ అలజడి
అలజడి మాటున దాగున్న కోర్కెల ఉరవడి
ఉధృతమైనవి ఉప్పెనలా ఎగిసిపడి ....మరుక్షణం
చూసిన తన చల్లని చూపుతో చల్లబడి
పెద్దల వద్దకు పరుగిడి ఆమోద ముద్రకు అవస్తపడి
మంచి ముహూర్తాలు కొరవడి చెట్టా పట్టాలకు కోతపడి
పెద్దల మాటకు కట్టుబడి హద్దుల మాటున కంటబడి
ముద్దు ముచ్చట్లకు ఎగబడి వద్దు వద్దంటున్నా ఆత్రపడి
కళ్యాణవేళ కలవరపడి తాళి కట్టువేళ తలంబ్రాలుపడి
చెలి చెంగున ముడిపడి క్రీగంటి చూపుకు తడబడి
దేవతలచే దీవించబడి అయినవారిచే అశీర్వదించబడి
అత్తగారింట్లో అడుగిడి మొదటి రాత్రి ఏర్పాట్ల హడావిడి
మల్లెల గదిలో జొరబడి చల్లని గాలిలో చమట తడి
ఏకాంతవేళకు వేగిరపడి తన కాంత రాకకై త్వరపడి
ఎదరున్న శ్రీమతి సిగ్గుపడి సొట్టపడ్డ బుగ్గలు ఎర్రబడి
రారాజు చేయిపడి రేరాజు మబ్బుల చాటుకిడి
ఇన్నేళ్ళ బ్రహ్మచర్యానికి తెరపడి ..రాబోయే వసంతాలకు ఆహ్వానం
పలుకుతూ ... ఎదురుచూస్తున్న ..కొత్త పెళ్ళి కొడుకు

ఓణీ పండుగ

కన్నుల పండుగ స్నేహ ఓణీ పండుగ
తల్లి అరుణ అండగ ..తండ్రి G V ఉండగ.. తమ్ముడు సాకేత్ తోడుగ
చూడ చక్కని కనులు నిండు బంగరు నగలు
కనుబొమ్మల నడుమ విరిసిన నెలవంక
చిరునవ్వున వెలసిన చంద్రవంక
సింగారింపుల ఈ చిట్టి గువ్వ సందడి చేసె తన కాలి మువ్వ
పాపిట నందు విరజిమ్ము పసిడి సింధూరం
నడుమునందు నడయాడు వన్నె తెచ్చిన వడ్డాణం
నల్ల త్రాచును మించిన తన వాలుజడ కుచ్చుల వయ్యారం చిత్రించ
వల్ల కాదని వగచె వర్మ చేతి కుంచెల డొల్లతనం
మెడలో వెలిసిన ముత్యాలు తలలో విరిసిన పుష్పాలు
సిగలో చేరామన్న సువాసన భరిత మల్లె పూల దర్పం
అంతటి భాగ్యానికి నోచుకోలేదన్న తొటి మల్లెల బుంగమూతి వైనం
అంతలోనే విచ్చేసిన తరుణీమణుల సిగల్లో దోబూచులాడుతున్నామన్న తమ దరహాసం
ఓ వైపు మల్లెల సువాసనతో మగువల మనసులు
మత్తెక్కిన చూపులతో తమ మగవారి ఓరచూపులు,
మరోవైపు పంచభక్షాలను మరిపించేటి తినుబండారాలు
వెరసి మురిపించారు గాదె వంశ వర్గీయులు ..

ధూమపానం..

ఎంత వలదన్నా వినదీ పాడు మనసు

పదే పదే కావలంటుంది వచ్చాక ఓ వయసు

పని వత్తిడిలో చురుకుగా ఉండాలన్న తలంపు

అంతలోనే తోటి స్నేహితుడి నుండి బయటకు పిలుపు

వెనువెంటనే ఆ”పని” కొరకు తడుతుంది మది తలుపు

ఆ కొద్ది క్షణాలు నిగ్రహించుకోలేని ఓర్పు

ఆస్వాదిస్తూ అంబరినంటే విరజిమ్మిన ఆ తెలుపు

కాయమును కాటికి తీసికెల్లేటి ఆకారు నలుపు

కాలగమనంలో ఒక్కో అవయవం రూపు మాపు

పని కాగానె అదో తీయనైన అలుపు

ఇది నీ జీవనగమనంలో నీకు తెలియని మలుపు

పిదప జీవిత విచ్చిన్న దశకు చేరువవుతున్నానేమోనన్న నిట్టూర్పు

చేతులు కాలాక ఆకులు పట్టుకున్న చందాన ఆ పై పెదవి విరుపు

నేటికైననూ మించినది లేదు చివరకు

కావాలి కనువిప్పు ..కనుమరుగవ్వాలి ఆ తప్పు

నీకు నీవే నీకై ఇచ్చుకునే తీర్పు ..రావాలి నీలో మార్పు..

విరమించు ధూమపానం.. విహరించు ఇక స్వర్గధామం

పుట్టిన రోజు శుభాకాంక్షలు..

మండుటెండలని మరిపించే చల్లని ఆ జాబిల్లి
దిగి వచ్చి పెదవి గిల్లి ఏది నీ బొసినవ్వు అని అడుగ
చిరునగుమోమున చిన్నారి చిరునవ్వులు చిందివ్వగా
విరిసిన నవ్వున విరితేనె జడివానై కురవగా తీయగా
పులకించిన పుడమి తల్లి ఈ జాబిలి ని దీవించగా
ఉల్లాసం ఉప్పొంగె బిందు నరేన్ ల మది నిండుగా..

ప్రేమతో,

జాబిలి పుట్టిన రోజు శుభాకాంక్షలు
కాటుబోయిన చంద్ర

దీపావళి శుభాకాంక్షలతో..

కరకుడైన నరకుడిని వధించి దిశదిశలా జరిపుకునే దీపావలి
కారకుడైన కారణజన్ముడికివే కరములు జోడిస్తూ కావించు నివాళి
చిన్న పెద్దా తారతమ్యాలు లేకుండా సంబరంగా జరుపుకొనే దివాలి
కరిగిపొయే కాకరొత్తులు,చెదిరిపోయే కాగితపు ముక్కలు,
పడగవిప్పే పాము బిల్లలు,సుడులు తిరుగే భూ చక్రాలు
అచ్చెరువొందే చిచ్చుబుడ్లు,నింగికెగసే రాకెట్లు ,
దిక్కులు పిక్కటిల్లే బాణసంచా ధ్వనులు ,మేఘాల దరిజేరు తారాజువ్వలు
చిటపటలాడే పటాసుల సరాలు మణిమయ కాంతి మతాబులు
వంటివి ఎన్నో ఎన్నెన్నో వాటికి వున్నాం కడుదూరం..
దీపావళి అనుభూతిని అనుభవించలేని రూపాయి అవిటితనం
కానీ మన మనసులు మాత్రం వీటికి అతి సమీపం..
తగదు డాలర్ల మోజు ఎల్లవేలలా ..తగ్గదు దలార్ల(consultants)ఫోజు అన్నివేళలా
క్షణక్షణం వీసాల గోల అనుక్షణం H1Bల లీల
పచ్చ కార్డుల కై కొందరి బెంగ పౌరసత్వంకై మరికొందరి బెంగ
ప్రాజెక్టులకై కొందరి నిరీక్షణ నిలకడకై మరి కొందరి నిరసన
లాంటి చిత్ర విచిత్ర సమస్యల వలయంలో ఎన్నొ ఎన్నెన్నో..

సమస్యల నుండి
భారతీయులందరూ బయటపడి స్వేచ్చగా ఆనంద జీవితం గడపాలని మనసారా ఆకాంక్షిస్తూ

దీపావళి శుభాకాంక్షలతో..

-చంద్ర

తెలుగుదనం..!!

ధరిత్రి మరవని చరిత్ర మన తెలుగుదనం...
జగతి తెలుగు జాతికి అందించిన మూల ధనం ..
శతాభ్దాల తెలుగు జాతి గొప్పతనం..
కవిత్రయమందించిన మధుర కావ్యం..
వెన్నెల చల్లదనం, సూరీడు వెచ్చదనం ,తేనె తీపి తెలుగుదనం
వెలకట్టలేనివన్నది కాదనలేని నగ్న సత్యం ..
అలాంటి తెలుగు తల్లి గడ్డన నేడు ..
రావణకాష్టం రగిలిస్తున్న రాజకీయ రాబందులను
అడుగడుగున తెలుగు తల్లిని అవమానిస్తున్న వేర్పాటు వాదులను..
ఆ తల్లి వలువలు వలిచి విలువలు విడిచి సిగ్గుతో తలదించుకొనేట్టు చేసిన తార్చుడుగాల్లను
తెలుగు ఆత్మ గౌరవాన్ని ఆయకమొనర్చే అరాచక కీచకులను
విచక్షణ ఙ్ఞానరహిత వితండవాదుల విగ్రహాల విధ్వంసాలను..
ఉద్యమాల పేర దమన నీతులు వల్లిస్తున్న నయవంచక నేతలను...
నేతల చేతిలో బతుకు బండగా మారి బలైపోతున్న బడుగు ప్రజల బాధలను..
బూటకపు మాటలతో నోట్ల కట్టల మూటలతో నిర్వీర్యం చేసిన యువతను
దగాకోరుమాటలతో దళారి చేతలలో దగాపడ్డ విద్యాకుసుమాలను..
"మా తెలుగు తల్లి" పాఠ్యాంశాన్ని పరిత్యజించమంటున్న పాలకులను…………… ,
కాంచిన తెలుగు తల్లి కన్నీరవ్వగా..తడి ఆరని కళ్ళతో భారత మాత ..కన్నీరు తుడవగా..
మురిసిన తెలుగు తల్లి తడిసిన కనులతో ముసి ముసి నవ్వులతో
భరతమాత ఒడిలో సేదదీరి తన నుదుట చుంబించిన "సమైక్య" పు ముద్దుతో
అంధ్రా(AP)ప్రజల గుండెల్లొ అజరామరం నిలిచింది..తెలుగుజాతి యావత్తు పులకించింది ..

ఉగాది

తెలుగుదనపు తియ్యని రుచుల పండుగ ఉగాది
దేశ దేశానా తెలుగు వెలుగులు విరజిమ్మే మహోన్నత తరుణమిది
"ఏదేశ మేగినా ఎందుకాలిడినా..
పొగడరా నీ తల్లి భూమి భారతిని.. నిలపరా నీజాతి నిండు గౌరవము" అన్న నాటి నానుడి
నేడు"ఏదేశమేగినా ఎందుకాలిడినా..కులగజ్జిని విడవకురా..భూ భారతిని విడిచినన్.."
నిలపరా నీ కులము మానవతా విలువలు దిగజారినన్..."
అన్న
కులమతాల పట్టింపుల చెంచాగాల్లను చెయ్యాలి సమాధి..నేటి ఈ శ్రీ కర నామ సంవత్సర ఊగాది..