నా అక్షరాలు..

 నా అక్షరాలు

ఇపుడిపుడే నడకలు నేర్చే

పసితనపు పాపాయిలు

పదే పదే ఏదో చెప్పాలన్న

ఆరాటంలో పరుగులు తీసే

పంచ కళ్యాణీలు 

అరకొర అర్థాలు స్ఫురించినా

ఆర్ద్రతను అమాయకత్వాన్ని

ప్రతిబింబించే అమాయకపు చిత్తరువులు

తెరచిన గుమ్మాల ముంగిట్లో

ప్రాతఃకాలానే దూసుకు వచ్చే 

లేలేత కిరణాలు 

ఝెండా రెపరెపలని

హిమాని సోయగాలని

మట్టి పరిమళాలని

స్పృశించలేని  సునిశిత భావ తరంగాలు

నా అంతరంగాన వీస్తున్న గరిక పరిగలు ..