Sowji-Bday

 నాకంతవరకూ తెలియనేలేదు..

ఓ రంగుల ప్రపంచం నా కన్నులలో దాగుందని..

నే చూడని మరో లోకాన్ని మనోల్లాసంగా ఉరకలేయిస్తుందని..

ఆ లోకాన పంచ వన్నెల రంగులను మించిన

సప్త వర్ణాల వెన్నెల హరివిల్లులలో నా బంగారు ఉదయిస్తుందని..

ఆ మువ్వన్నెల సిరి నవ్వుల్లో ధృవతారలా దరికొస్తుందని..

దొరకని ఆ చంద్రునితో దోబూచులాడుకునే తన లోకమే నాలోకమవుతుందని..

నింగిలోకి తొంగి చూస్తూ లెక్కకు అందని చుక్కలని

ఒక్కొక్కటి తన దోసిల్లలో పొదువుకుంటూ

కనుల కలల అలలపై సయ్యటలూగుతుందని..

ఈ నాన్న గుండెలపై అలానే ఆదమరచి హాయిగా నిదరోతుందని ..