భానుడి భగ భగలు నివ్వెరపరిచే తరుణాన
అరంగేట్రపు ఆహ్వానపు వేదిక చేరిన క్షణాన
దహించుకునేలా ఉన్న దేహాన ఒక్కసారిగా
చల్లని మంచు పూల తెమ్మెరలు సొకినట్టుగా
స్వర లయ నాదాలతో నర్తిస్తున్న సంజన..
నట్టింట నాడు బుడి బుడి నడకల అడుగులేనా ఈ
గోరింట పాదాల నృత్య సవ్వడులు?
మృదంగం కవ్విస్తున్నా..వీణా గానం నవ్విస్తున్నా
జానకి తాళం మరిపిస్తున్నా జనాల చప్పట్లు మురిపిస్తున్నా..
దేవతార్చన కీర్తనలన్నీ ఈ నాట్య మయూరికోసమే పుట్టినట్టు..
తన కాలి మువ్వలన్నీ ఈ పాదాల కోసమే పుట్టినట్టు
హృద్య వేణు గాన నాట్య పరంపర సాగేకొద్దీ
సంగీత స్వర జతుల పదాలకు సంజన పాదాలకు
మీరా నేనా అన్న రీతిలో పోటాపోటీని సాగించిన ఓ నాట్య మయూరి..
రెప్ప వాల్చని హృదయాలను
చెప్పనలవికాని భావాలను
పొడసూపిన నీ నాట్యమధురిమలకు పరవశించి సాక్షాత్తు ఆ కళామాతల్లే దిగివచ్చి ఈ చొక్కాకు యశమును వెయ్యేళ్ళు వర్ధిల్లేట్టు దీవించుగాక...!
కామెంట్‌లు లేవు:
కామెంట్‌ను పోస్ట్ చేయండి