తొలిముద్దు
చక్కని చుక్క చిక్కింది
చిక్కిన చిన్నది నచ్చింది
నచ్చిన పిల్లది మెచ్చింది
మెచ్చిన కుర్రది దక్కింది
దక్కిన కుర్రాడు ముద్దంటే..
ముందుగ ముద్దు వద్దంది
వద్దని వయ్యారి వగచింది
తాళి పడేవరకు తగదంది
అలిగిన ...వాడితో తగువాడింది
వాదిస్తూనే వగలాడి హద్దంది
హద్దుల ముసుగులొ తప్పంది
తప్పంటూనే తడబడింది
తడబడుతూనే సహకరించింది
కాదంటూనే కనికరించింది
కనికరింపులో కన్ను కలిపింది
కలిపిన కన్నుతో వెన్ను తట్టింది
తడిమిన వెన్నులో చలి పుట్టింది
గాలి చొరవనంతగా చేరువయ్యింది
బిగువులు తగిలిన క్షణం సిగ్గుపడింది
సిగ్గుతో చేతులు పెనవేసింది
అదురుతున్న అధరాలను అందించింది
పెనవేసుకున్న పెదాలకు గడియేసింది
తొలిముద్దు మాధుర్యాన్ని చవి చూసింది
ఇనేళ్ళుగా ఇంతానందం ఎందుకు కోల్పాయానా అని చింతిస్తూ..
తేరుకోలేని లోకాల్లోకి తేలిపోయింది
తేరుకోగానే ఇది కల కాదుగా అనిపించింది
ఆక్షణంలో మల్లీ తన ఆలోచన అతని చుట్టే...
మరొక్కసారి "అది" కావాలనిపించేంతగా..
