ఇన్నాల్లు మంచుకు కంచెలేశారేమో..నింగిలో .. 

వెండి వాన తెగ కురుస్తుంది...ఆనందంగా..   

చిరు గాలుల సన్నాయితో   పిల్ల తెమ్మెర నాదాలతో  వయ్యారంగా ఊగిన చెట్లు... 

నేడు  కొమ్మ కొమ్మన తమ సిగలో వెండి పూలు తురుముకొని  

మిడిసిపాటుతో ఎగసిపడుతున్నాయి..    

సంక్రాంతుల సంబరాల మాటున              

ధరణిపై విరిసిన పాల నురగలా..         

ఇంటింటినీ వెండి వెన్నెల ఆవరించినట్టుగా  కురిసిన మంచు వర్షమా...  

 ఇంటిల్లిపాదినీ ఇలా ఇంటిలోనే బంధించడం న్యాయమా..?          

                                    -చంద్ర

 

నీ పాదం మీద పాటకు పేరడీ ..

వాడ వాడనా చైనాలోన వీధి వీధినా విశ్వములోన

ఈ లోకం మీద దయలేదా కరోనా..

ఏ పాపం చేస్తే పుట్టుకొచ్చావే వూహానా

ఈ లోకం మీద దయలేదా కరోనా..

ఏ పాపం చేస్తే పుట్టుకొచ్చావే వూహానా

చేయి కడగమ్మా సబ్బూరాసి రుద్దీ పెడితె రానెరాదమ్మా

ఇంటనుండమ్మా అంటుకుంటె కంటి కునుకు రానెరాదమ్మా

పెద్ద ప్రాణాలే లక్ష్యంగా వృద్ధజీవులే భక్ష్యంగా 

ఊపిరి తీయనీకుండా ఉసురుపోయనీకుండా "2"

కరడుగట్టిన ఉన్మాదిలా కరోనా

నువ్ కాటేస్తుంటే వల్లకాడే లోకానా

ఈడు పిల్లల గోడు చూడవే కరోనా

ఎంత కడిగినా చేతిరాతలు మారేనా

వాడ వాడనా చైనాలోనా వీధి వీధినా విశ్వములోన కరోనా..

కరోన అంటే కడిగేస్తే పోదూ ఓ యమ్మా..నీకై నిన్నే నిర్బంధించాలి..అహు అహు

మూతీ ముక్కూ మాస్కుల్లొ పెట్టీ ఓ యమ్మా బయట ఎక్కడా తిరగబోకమ్మా అహు ..అహు

లక్షల మందికి పంచినావె అంక్షలు ఎన్నో పెంచినావె

బల్లూ గుళ్ళూ మూసినావె వల్లూ గుల్లా చేసినావె "2"

అందనంతలా ఆర్థిక మాంద్యం పెరిగేనా 

కొలువులన్నీ కోరకాటున తరిగేనా

ఒక్కసారి గుట్టు చిక్కితే నీపైనా

స్వారీ చేసి ఘోరీ కట్టమా నీకైనా..

మానవాళికే ముప్పును తెచ్చే అవని జాతినే తిప్పలుపెట్టే

నీ జాతుల జాడ మెడలొంచేది మనిషేరా

చరిత నీడలొ నిలిచే ధర్మం సత్యం రా ... "2"