ఇన్నాల్లు మంచుకు కంచెలేశారేమో..నింగిలో .. 

వెండి వాన తెగ కురుస్తుంది...ఆనందంగా..   

చిరు గాలుల సన్నాయితో   పిల్ల తెమ్మెర నాదాలతో  వయ్యారంగా ఊగిన చెట్లు... 

నేడు  కొమ్మ కొమ్మన తమ సిగలో వెండి పూలు తురుముకొని  

మిడిసిపాటుతో ఎగసిపడుతున్నాయి..    

సంక్రాంతుల సంబరాల మాటున              

ధరణిపై విరిసిన పాల నురగలా..         

ఇంటింటినీ వెండి వెన్నెల ఆవరించినట్టుగా  కురిసిన మంచు వర్షమా...  

 ఇంటిల్లిపాదినీ ఇలా ఇంటిలోనే బంధించడం న్యాయమా..?          

                                    -చంద్ర