నేనే నీవైతే..

నడి వంపుల నడయాడు నిండు గోదారి నీవైతే..
నిను నాలో కలుపుకొనే కడలి కెరటమవుతా..
ఉవ్వెత్తున ఎగసిపడే అలల సవ్వడి నీవైతే..
ఎలుగెత్తి చాటే నడిసంద్రపు హోరు నవుతా..
కారు చీకట్లు కమ్మిన మబ్బుల్లో దీపం నీవైతే..
దీపం చుట్టూ ముసిరిన మిణుగురు పురుగును అవుతా..
నిండు చల్లని పున్నమి జాబిలి నీవైతే..
పిండి ఆరబోసిన పండు వెన్నెల నేనవుతా.
నల్లని కురుల సొగసు వాలు జడ నీవైతే..
జడన తురిమిన జాజి పువ్వును నేనవుతా ..
అందెలు విసిరిన మువ్వల సందడి నీవైతే..
కందిన నీ కాలి సిరి మువ్వ గజ్జెనవుతా ..
పారే సెలయేటిన పాడే పాటవు నీవైతే..
పాటలోని పదముగా ఒదిగి పొదిగే అక్షరమవుతా..
ప్రపంచాన్ని సృష్టించే ప్రకృతి నీవైతే..
ప్రకృతికి ఊపిరినిచ్చే నీ ఆయువు శ్వాసనవుతా..

-- చంద్ర