కుల మతాలు పెచ్చరిల్లడం సమ
సమాజ నిర్మాణానికి విఘాతం
కులమతాలు మల మూత్రాలతో
పోల్చతగ్గ పరిణామం
కులమతాలు విడనాడడం దేశానికి శ్రేయస్కరం
మల మూత్రాలు విసర్జించడం దేహానికి
ఆరోగ్యకరం
మనిషిగా మానలేమా ఈ మతోన్మాద
వివక్ష ధోరణులు?
మానవుడిగా
నివారించలేమా ఈ కులాల
కుమ్ములాటలు?
సగటు జీవిగా సవరించలేమా ఈ
వర్గాల వైషమ్యాలను?
దూర దూర తీరాలకు
చేరువైనా భారమైన బతుకులతో సతమతమవుతున్నా
సాటి మనిషికి సహాయపడని ఈ
వ్యర్థ కుల మత
విద్వేషాలెందుకు మనకు?
పంచభూతాలకు
లేని కుల మతాలు
వాటిని ఉపయోగించుకునే మనకెందుకకు?
ఒక్కసారి ఎదుటివాడికి స్నేహహస్తాన్ని అందించి చూడు
మసకబారుతున్న
మానవ బంధాలు ఎంత
బలపడతాయో?
ఒక్కసారి ఎదుటివాడిని చిరునవ్వుతో పలకరించి చూడు
శిధిలమై పోతున్న స్నేహబంధాలు ఎలా
గట్టిపడతాయో?
కులమంటే మనలోని కుళ్ళుయని మతమంటే
మనలోని ఓ మాయని
గుర్తించు
కాటికి కాలు చాపినపుడు కనులు
తెరుచుకోకముందే
ఈ బంధాలలోని పరిమళాలు ఆస్వాదించు..ఫలితాలు అనుభవించు..నేటినుండే!
కామెంట్లు లేవు:
కామెంట్ను పోస్ట్ చేయండి