అమ్మ..నా మొదటి దేవత

సృష్టి లో తీయని పదం అమ్మ..సృష్టికి మూలం అమ్మ..

స్వచ్చ్హమైన ప్రేమకు ప్రతి రూపం నిశ్చలమైన నిర్మలత్వానికి తుదిరూపం

కమ్మనైన ఆ అమ్మ మాట ..నమ్మకమైనది ఆమె బాట..

నిను తలవని మాట లేదు ఏ పూట.. కొలవని దేవుడు లేడు ఏ చోట..

మధురమైన అమ్మ అనే పిలుపు ..కలిగించు ఆమెలో సుమధుర తలపు..

పెళ్ళి లో కన్నెగా తొలివలపు.. కట్టుకున్నోడితో జీవితం కడవరకు

మరు ఏట పండింది ఆమె కడుపు..నవమాసాలు మోసింది తుదివరకు

పురిటినొప్పులతో తన ఏడుపు.. అమ్మ మాటలతో ఆటవిడుపు ..

అలుపెరుగక అలసటతో కానుపు.. ఇది మొదలు మాత్రమే అన్న పెదవి విరుపుతో పానుపు..

జన్మ ఇచ్చింది బిడ్డ కొరకు.. మరోజన్మ కు తగ్గ ఖ్యాతి దక్కింది తనకు

వంశం నిలిపింది మగడి తరపు .. తన జీవితానికిదో కొత్త మలుపు

అమ్మతనము తన నగుమోములో తుదకు.. ఋణగ్రస్తుడై ఆజన్మాంతం నిలవాలి కొడుకు కడవరకు

-- మా అమ్మకు అంకితం --చంద్ర

గొరి తేర గావ్ బడా ప్యారా...పాటకు తెలుగు అనుకరణ

ప:చెలీ నీ తోడు వుంటా గడసరి తిరిగి చూడే ఒక పరి వెన్నెల మాటుగా..కొమ్మల చాటుగా..
చాలు నీ మాటలూ తుంటరి మరులు గొలుపె తదుపరి నేనే నీవుగా నీవే నేనుగా..

చ:కోయిల రాగం..కుహు కుహు గానం చెలి సన్నిధికే చేరా..
కిల కిల రావం మదిలో భావం జతగా కలిసే రాదా..
చాలుమరి చెంతకొచ్చీ చేరిపో కౌగిలిలో కరిగిపో బిడియమేలనే..గడియ తీయవే.."చెలి నీ తోడూ"

చ:నేటి వసంతం తీయని బంధం నిలవాలి కలకాలం..
ఈ మధుమాసం నీ దరహాసం మెరవాలి మనకోసం..
కురిసిన మేఘమల్లే వచ్చిపో..వలపులన్నీ ఇచ్చిపో..మబ్బుల చాటునా హద్దులు దాటనా.. "చెలి నీ తోడూ"

మతి లేని సతి

ప్రకౄతి సాక్షి గా ప్రణయ బంధం తో పరిణయమాడిన ప్రణతి

ప్రాణ ప్రదంగా ప్రేమించే ఫ్రాయమున్న ప్రళయకాల రుద్రుడే నీ పతి

అందంగా వున్నావన్న అహంకారమొవ్వక అందుబాటులోని అతడితో ఆడుకోకే అనుకూలవతి

వలచి వచ్చిన వరసైన వయసున్న వాడిని వరించిన వాసంతి

కళ్ళెదుటే కలహించుకుని కాలుతున్న కాపురాలను కాంచి

కారణం తెలుసుకో నీ ౠణం తీర్చుకో..

మంద బుద్ది తో నిందలేల మచ్చలేని చందురిడిమీద మందమతి

జత కుదిరాక జగడమాడక జంట కలిసాక రగడమానవే జయంతి

పరువుకోసం ప్రాకులాడక పంతాలతో నొప్పింపక

సంసారం సరిదిద్దుకో సంస్కారం పెంపొందించుకో..

మీ స్నేహం...

నిత్యం మీతో మాటాడ్డం
నాలో ఎనలేని ఉత్సాహం
మాట మాట కు నవ్వుకోడం
పూట పూట తలచుకోడం
ఆట పాట ల అనుభవం
ఎన్నో వూసులు చెప్పుకోడం
మరెన్నో కుల్లు జోకులు పేల్చడం
కష్టాల్లో ఒకరినొకరు ఆదుకోడం
ఇష్ట సఖులను ఆరాధించడం
తమ వాల్లకు అసరాగా నిలవడం
కాని వాల్ల ను కూడా అభిమానించడం
ఒకడికేమో అమాయకత్వం
మరోకడికేమో దయాగుణం
ఇంకొకడికేమో మంచితనం
కలిసి వున్న ఈ ముగ్గురి స్నేహం
నిలవాలి మరెంతో కాలం..