Folk Song on My Daughter
ననుగన్నా చిట్టీ తల్లి నా కన్న నాగవల్లి
చిన్నారి సిగలో మల్లి అమ్మై పుట్టావె మల్లి
ఈ నాన్నా గుండెల నిండా చిన్నమ్మో...ఓ.ఓ.ఓ
జగమంతా వెలుగులపంటా మాయమ్మా...
జరగాలి జాతరలాగా మాయమ్మా....
ననుగన్నా చిట్టీ తల్లి నా కన్న నాగవల్లి
చిన్నారి సిగలో మల్లి అమ్మై పుట్టావె మల్లి
మెరుపల్లె నా కంట ఉదయించె నా ఇంట
మురిసిందె ఊరూ వాడా వేనోళ్ళ కన్నుల పంట
నిశి మబ్బు రాతిరిలో తొలి సంధ్య వేకువల
విరిసిందె సౌజన్యంటు సన్నాయి పాటల్లె
ఊరంతా సంబరాలే చిన్నమ్మో...ఓ.ఓ.ఓ
అంబరాన్ని తాకె సూడమ్మో...."2"
ననుగన్నా చిట్టీ తల్లి నా కన్న నాగవల్లి
చిన్నారి సిగలో మల్లి అమ్మై పుట్టావె మల్లి
ఈ ఎదనే పానుపుగా నిదురించే పదిలంగా
లేస్తూనె నాన్నంటూ వెదికేను మురిపెంగా
మనసంతా ఏకంగా తన ధ్యాసే లోకంగా..
రోజంతా ఉల్లాసంగా అలిసేను ఆడంగా
మళ్ళీ జనమంటూ ఉంటే చిన్నమ్మో....ఓ.ఓ.ఓ
తల్లీ నీ కడుపున పుడతా మాయమ్మా..
తల్లీ నీ కడుపున పుడతా మాయమ్మా..
ననుగన్నా చిట్టీ తల్లి నా కన్న నాగవల్లి
చిన్నారి సిగలో మల్లి అమ్మై పుట్టావె మల్లి
కామెంట్‌లు లేవు:
కామెంట్‌ను పోస్ట్ చేయండి